't vehäölselke euver de Hommaasj aon 't Duo Bex/Menten wie 't is ontstande.............
Iech bin bebore en getoge in D'n Aanker , waors iech al hielemaol gek op de vastelaovendsmeziek vaan Mestreech en de straotkarneval in 't bezeunder en höb väölle jaore met mien gezin de Mestreechterkarneval oetbundig gevierd.
Begin jaore 1980 höbbe veer twie zäönsjes , Luc en Tim en die twie höbbe veer met 'nne verseerde kinderwagel rond gerijje met de vastelaovend en al rap waors 't idee um zellevers è wegelke te bouwe veur die Gamins. Beer en meziek waors d'r netuurlek ouch 'n belangriek onderdeil daor vaan vaan, want veer blieve ouch al in die jaore väöl oppe straot vastelaovend viere.
Naodat de Gamins te groet woorte veur dees wegelkes, höbbe veer é wegelke in ein gefisternöld met twie grammofoonspeulers, microfoon, mengpaneel,beertepke en aandere atribute en ginge oonder weeg es zoegenaomde disc-zjokkies onder de naom "Slachtersfestival Vaan Mestreech" en dreijde veurnaomelik aandere meziek es vastelaovends meziek ouch hadde veer eedere daag 100 zellevers in ein gefisternölde medaaljes gemaak veur dat vastelaovend vierend vollek vaan Mestreech en umstreeke.
Dat Hóbbe veer toen 11 jaor gedoon en höbbe toen 'nne aander wagel gebouwd met de aw installatie en zien vaan dee tied allein mer nog Mestreechter vastelaovends leedsjes goon dreije met es rizzeltaot tot väöl vastelaovends vierders al rap bij us bleve stoon bijj us oppe SteineBrök en met väöl plezeer ginge met zinge.
Mèr de zenger Thei Menten waors toch al gaw de nommer ein.
Naoderhand höb iech 'n aordigge verzameling vaan uzze Thei beijein verzameld , mer 'n week veur de vastelaovend 2011 kraog iech vaan Bèr 'nn meel binne met de komplete versie vaan "Nog mer ins d'raon en Verrekespu" dees leedsjes huur'ste bijnao allein mer in 'nne potpourri met allein 't refreinsje en doch toen beij mien eige, dees perelkes vaan leedsjes verdeene um obbenuits op grammofoon te weurde gezat. Nao väöl informatie te höbbe ingewonne is 't rizzeltaot aonstaonde 8 jannewarie 2012 te beluustere
en te te koup in kaffee The Duke en dee single " 'n hommasj aon 't duo Bex/Menten" weurt aongebooije aon Thei's dochter Lenie en Lenie geit ouch nog veur us optreijje. En tot slot: Dees singel is mèt väöl enthousiasme door vesjèllende vastelaovends vierders in ein gefisternöld en dee single draag iech op aon Gerda.
Met de kömpeleminte vaan oet M.
Benn.
